وزن التجليبة هوه احد اوزان الشعر الشعبي

((اجلبنك بليلي 12 تجليبه))

اجلبن يليلي وحاضن صورهه

ظفيرة وغيري محد عرف يضفرهه

انبكت بوكت قصيده كبال شاعرهه

ويرجف يضل كلبي المستحة عيبة

((اجلبنك يليلي 12 تجليبه))

اجلبنك يليلي وضايعة الچارة

مثل اليحلف ومايطي كفارة 

الوجعتة كباله ماتحتاج تدوارة

شتفيدك يكلبي وياهم الطيبة

((اجلبنك يليلي 12 تجليبه))

اجلبنك يليلي وفاگد الضحكة

باب الفرحة بس طاريهه اليفكة

شكللهه تعاي!!!!! المستحة ركة

اليريدة الگلب بس طيفك ايجيبه

((اجلبنك يليلي 12 تجليبه))

اجلبنك يليلي وتاهت ععليه 

مثل احديثه عدهه اضيع ترچيه

ذهب مذهوب هجي الفاكد بنية

اليبات بنار اهون مني تعذيبة

((اجلبنك يليلي 12 تجليبه))

اجلبنك يليلي والدموع جروح

العاشك جنازة مچودرة بلاروح

التتن من حركته دخان يبقة يفوح

وبنادم عمر ياخذ عليه غيبه 

((اجلبنك يليلي 12 تجليبه))

اجلبنك يليلي الفاكدة يسوة 

وهي  المشكله ماخوذ بالكوة

واشوو مثل التضمة وتفز ماهوه

اليحب بايامه يلكاهن تجاريبه

((اجلبنك يليلي 12 تجليبه))

اجلبنك يليلي وارد اكللك

هم مثلي وحيد و عايفك خلك

الواكفلة امس ماقبل يوكفلك

وماعافك لحد ما جابلك ذيبه

((اجلبنك يليلي 12 تجليبه))

اجلبنك يليلي ومادري شبيه

عمر كضيته ادور روحي ماهيه 

وحايطنه اجة جتالي اخذ فيه

رغم مايمه يسمعهم نواحيبه 

((اجلبنك يليلي 12 تجليبه))

اجلبك يليلي وهاي قصتنه 

ومن المستحه جيلات حصتنه

بعد بطلنه بس انريد راحتنه

مثل الكام يدري بساعته كريبه

((اجلبنك يليلي 12 تجليبه))

الشاعر حسين البديري